Trema ca paso 'eo istanotte
o femina ch'isettas!
'Eo, sa mala messadora,
mi che l'afferro, s'omine ch'isettas.
Curret che bentu lezzeru, lezzeru,
su caddu meu tott'ossos, e gitto
sa falche mia niedda e lasso
pro restujiu,
rughes chi dolore
e lagrimas buttìan.
'Eo, sa mala messadora,
cando passo istanotte,
fatto orulare canes,
fatto cantare istrias
e no firmo '
a sos signales de sa santa rughe,
a su tremare tou
o femina ch'isettas.
Deo, s'ultimu abrazzu li do, deo,
sa mala messadora,
a s'omine ch'isettas.