Notte, Sant'Antoni meu
mi biza. Focos nurachicos
de chinniperu e chercos
d'eliches e de sarmentos
s'iscuru ispantan de ruiu.
Massaios e pastores
bardaneris
in cust'ora caente
de sardu jannarju d'istiu
gosos de framas ti pesan.
Frores sas ca ras ali uttas
sutta sa notte isteddada
senza crarore de luna.

Prena sa nott'e crarore
de focos nuscantes d'erbas
e de boches campanileras.
Sant'Antoni meu notturnu,
tu'ischis, tepidu Santu,
sas marranias chi binchet
custu pedrosu cantu
de su bomborimbò.

A tibi Santu 'e su focu,
offertu e sacrificau
o Sant'Antoni 'e su porcu,
a tibi Sardigna affido
a granu e a ispica;
su sidiu si bibat s'abba
su sichizone sa morte.
Iscramentet Murguriò
Luguriò.
Unu cabaddu 'e focu!