Chi viaggiu beddu chi è la nostrha vìdda
candu lu fai impari a to' muglieri
e a to' figliori, affacu a lu brasgèri
o sottu a la pèrghura fiuridda;
Candu poi camminà i li carrèri
in ca' logu giugàbi da minori
e, acciaraddu, vidè li candareri
e la to' jenti. Oggi v'è lu sori
E l'uba s'è tignendi di curori
in chissu ciapitteddu assuriaddu:
è un'althra primmabèra cu li fiori
Chi t'è fend'intindì lu bon saòri
di lu so' basgiu dozi e prufumaddu.
Chi viaggiu beddu, candu c'è !'amori.
Candu t'iscèddi vecciu, a manzanìri,
e poi ischaldhì lu cor'innamuraddu
affacu a to' muglier.i, i lu fughìri.