Candu la · sera chjudu lu balconi
chi calata è la dì
una strinta a lu cori
mi dici chi finut'è la ciurrata:
la paggjna d'un libbru haggju 'iratu
una dì è passata:
aggju una dì di mancu, una di più.
Candu la matinata minni pesu
e di soli la stanza mi si piena
e pienu di spiranza è lu me cori,
no pensu chi la rosa in puppusoni
da chi veni la sera è già ispalta,
no pensu chi chjudendi lu balconi
lu cori mi si scalta.
Cantu soc'attaccata a chista tarra!
Cantu soc'attaccata a chista 'ita!
È una calamita chi m'affarra
e no voddu scappalla ...
Amu la tarra, la 'ita, lu soli,
li rosi in puppusoni ...
Voddu tinè abbaltu li balconi.