S'umbra de sa vida

Voche rendita ‘e su mare
a tocos de malasorte
chie non tenet in corte
carchi santu de precare
non si peset una ballu
ca si ballt a sa sola...
... ma si ghetet un’issallu
e in una prugajola
pughet tricu de Misterju
e orju de istenterju
graminande a misturu
su sicuru e su venturu.
Suta issallos de ossidiana
s’umbra de sa vita
camminat oriana oriana
cando sa vrammia buconera
s’ archiddat in dispidita
a oru ‘e sa caminera
chene lucores.
Tando ‘ozas e fiores
de melagranata
si orzicant afroscatos
in un’ irframmiata
roddulande che coraddos
a pratos catrassatos
in furros de abbaraddos
Sos tzocos de s’ iscussertu
parent cràchitas de su tempus
alloricatu e fertu
e s’ assa de s’isetu
anneulat sos puzones
chinertos che contones
in su chelu de apretu.