Informazioni sull'opera

TESTO


SU PANE


Cando ippo pizzinna
su pane non fit solu pane ,
fit Grascia 'e Deus,
fatica, sudore.
Si no nde rughiat a terra
nde lu cogliavamus
e, prima de lu manicare ,
lu deppiavamus vasare,
ca su pane fit Grascia 'e Deus,
fatica, sudore .
Como su pane
nde l'imbolamus chin s'arga,
che arga,
e cando,
settios a innantis de sa mesa apparizzada,
vidimus pizzinnos
chi morin de gana,
chi morin
ca no ana
unu mossu 'e pane,
ciambamus canale,
sicchimus a manicare
e sicchimus a imbolare su pane
a s'arga, che arga.
Ego dio cherrer torrare
a cando si campavat de pane,
de Grascia 'e Deus,
cundia de amore
e de umanidade.

SCHEDA DELL'OPERA
TitoloSu pane
SezionePoesia Sarda Inedita
AutoreAndreana Murru
Nome 
Anno1994
Argomento 
Descrizione 
Lingua 
EditorePremio Ozieri
ContributoreATHENA SRL
Tipo 
Formato 
FontePremio Ozieri
RelazioneConcorso Premio Ozieri 1994
CoperturaLogudoro, Sardegna Italia
DirittiComune Ozieri, Premio Ozieri
Analisi del Testo