TICCHI - TACCA

Fittianu ticchi - tacca
'e oras e zoccos,
de paraulas mudas mudas
chi si miscian
a su frusciu 'e sa vida
chi discansat
e romulat calchi cosa fora,
in su ludu columu 'e incuros,
ch'isbisurat chei su chelu
isterridu
pro amare sa luna ei sos isteddos ...
in sa mudria
'e sos arvures aumbrados
isculto
s'attabida 'e sas alas,
su disizu chi fuit dae sa pettorra
pustis ...
su ticchi - tacca 'e s'ora fuiditta chi alenat
cun s'oju 'e sa terra,
custas trattas
chi arrezen un'iscutta
lenas tucchende a serentina
cun sa tasa
'e s'arresettu chi agguanto ...
oras chena fine,
che lantas chi taladran s'alma
e donzi die
m'allijat custa frina
coro e pilos
su tremer'e sos passos
chi forrojan,
continu tattende sos zelembros.