CHIRCHENDEMI

Deo,
l'apo semper ch i rcadu!
Ja', essende pizzinnu,
l'intendia jamendemi.
Sa 'oghe sua
feriat s'aria ,
trapassaiat sos montes
e suguzaiat
sas abbas de mare ...
Cando,
su tempus,
a passu lestru
m'at inarghentadu sos pilos
e assulcadu sa cara,
lu chircaia - ancora - ...
- Infines -,
che noellu "Diogene",
mi so de una lantia frunidu,
gai, una die
l'apo abbojadu!
"Issu",
bessiat, caminaiat
e faeddaiat simizante a mie.
Aiat su matessi arghentu
in sos pilos,
simizantes,
sas pijas in sa cara
e trazaiat
una bertula de ammentos ...
Fissu e ispantadu,
l'apo leggidu in ojos:
"Issu, fit deo" ...