SOLOPA DE CABIDANNI

A tie
t'at salvadu su sole
in custa lastima 'e manzanu
arrugadu dae su 'entu siccu
e solopadu de Cabidanni.
Bentu 'e tramas
in custas dies de 'innenna
de 'oghes solianas
de cantigos e de faina.
Bentu 'e falcina
a logu anzenu mi tuccas.
Tue
bentu e fulanu
puzone de istria
majalzu chene assentu
bendemi su tempus
lassami arminare
serente domo mia.
Occannu
t'est faddidu su rtsu
e-i su cunfortu. Sa 'innenna
e s'ortu amus a fagher a mesadria.
Bentu! Amas chene ia
bolan in serantinos de attonzu.
A tie
t'at salvadu su sole
in custa notte de inferru
trazende abba, bentu, nie.
A tie e a mie at colpidu su colzu
e toccat lestros de morigare!