TESTAMENTU

A bois, alipintas , murinattas,
galanas gardaneras, rusinzolos,
conchinigheddos, incurbiaJolas,
chi bolaes che pintu soberanu
cantande a galabera gosos d'oro
bos regalo sas mèndulas in frore
sas milli murichessas de Locoe
pro chi Deus bos diat a isumbru
sas notas d'un'eterna sinfonia.
Sa luna semper bella e grass10sa,
sos isteddos chi luchen in su chelu,
sas frinas ch'accasazan sa natura, .
sas nues, cussas biancas chei su mbe,
chi fachen crescher s'erba,
las regalo a sas binzas de Marreri
e a custa bella, antica Baronia
iscutta chene dolu e chene prantu
dae sas milli chimeras de s'anneu.
Sas funtanas benittas de "Su Monte",
sos bellos ribizolos
chi curren chin amore e fantasia,
sas alapinnas durches de Gonare,
sos nuraches de tottu sa Sardinna,
sas domittas de janas, sos pinnettos,
sun pro bois, alligros craparjeddos,
ca m'hazes semper dau sos alentos
chi m'han alluttu s'anima
peri cando su mundu fit ghelau
d'irbirgos, de malìssias e d'ispramu.
A sos crios iscurtos, miserinos,
chi patin frittu e gana e cada anneu,
lis regalo sos nuscos de su coro,
sa luche 'e su manzanu
ei sos rajos serenos de su sole
ch'ingroghin sas ispicas,
ch'ingrassan sos bitellos
e chi moghen sos battimos d'amore
in custa bida arcana, semper bella
ca juchet durche s'alidu
de sa prus cara, eterna melodia.