SIDIS ANTIGU

Seculos de siccagna
an asciuttu sas enas
de sa cunscescia sarda
e an ispaltu su sidis antigu
in sos padentes de sa terra mia,
mortos e in agonia,
pedende abba debbadas
a su cantaro siccu 'e su nuraghe!
Deo puro. sididu fizu sardu.
apo buffadu acchèssidu
sas abbas salamattas
de chentu e pius funtanas anzenas
chi m'an accioroddadu su sentidu
chena mi nd'istudare
su fogu ·e sas chimeras
chi m'an alluttu s'anima.
Ma s'abba chi consolat
falat da-e su cantaro
limpiu 'e su coro
bira-'ira 'e coraggiu.
e da-e s'ena netta 'e su suore
de chizos mai istraccos
e mai infustos de vanu piantu.
Sa chimera s'istudat
a s'azzesa 'e sa lughe. ,
Su poeta s'ischidat pro i ~ o l v e r sa oghe
a faeddos e cantigos cub1dos
in s'umbra 'e sa mudesa chena tempus.
Però non bastan sos alenos caldos
de sas menzus iscutas ...
a ch'ispingher sa barca
a su portu bramadu
de custu mare nostro
chi sos anzenos an sempr'aundadu!
Ne s'ena 'e su suore
ne cantaro 'e coraggiu
poden passare su sidis antigu!