ZUINUS DE BISU

Arziend ' in una calada
Mi furriu:
Biu una sterrinada de bisus
Totus ghettaus appari...
U'muntoni de aria
Arrimada in un'ingroni
S'attrivit a muinai
E strumbat a su buidu.
Calend'in un'arziada
Mi furriu:
Biu una sterrinada de strobus
Arrumbulenti prexosus ...
A su princhiu de launeddas
Pistighingiosus baddanta
S'arraxada o ballu tundu
Non si podit pompiai!
Calend'in cudd'arziada
Mi furriu:
Biu mill'arrastus
De animas pandidas
Chi s'attopant'appari
E mancu si saludanta!
Arziend'in cudda calada
Mi furriu:
Biu su mali spainendisì
Megat'a mi stasi
Megat a mi xerfai.. .
Fadiau
Circu de poderai
Ma lissiu
Lissiu e lissiu ancora
Mi perdu
In zuinus de bisu ...