POITA

Poita cantas poeta
si depis cantai po is surdus.
Tui cantas versus chi medas
no bolint ascurtai.
Tui cantas s'amori, ma sa genti
conoscit vetti s'odiu e sa treta.
Tui fais prenetas cantendi beridadi
a cussus chi bivint una vida trastoccada .
Ma tui, no t'incuris ... canta.
Is versus tuus depinti obbligai
chini t'ascurtat a si sezzi',
po intendi is fueddus tuus .
Zerria a totu boxi
contras chini fermentat su mali
in terra tua.
Zerriadd'a totus!
No t'arrosciast de cantai... poeta,
si depessit mancai sa boxi tua
s'hiat abbarrai vetti s'illusioni
de biviri a s'umbra scalixia
de una vida senz' 'e scopu.
E insaras, tui puru sezziu in s'ecca
a pari de nosus ...
hiast abettai de tranzìri
sa lacan' 'e sa vida.
Debadas hiast retrogai versus
chi nemus hiat a porri imparai
po ddus torrai a is atérus benideris.