!STELLA 'E CHENADORZU

S'istella 'e chenadorzu est già escida
appenas chi su sole ch'est caladu,
appenas chi sa chigula at cantadu
affaca a sos degoglios de sa vida .
Est frimmu ogni suipiru, no est andende
un'alitu in s'aera silentziosa,
ancora s'idet calchi mariposa
istraca, timerosa, ma olende.
!stella 'e chenadorzu ch'asa idu
istios e aeras de dolore,
mi naras si sa zente 'e ogni colore
est sempre, o solu corno chi at suffridu
in s'era chi nos paret disgrasciada,
sa peus de su mundu dae Adamo?
O puru, beru Deus chi ti giamo,
est custa chi nos paret iffasciada?
Est notte 'e malumore intro su coro,
est notte 'e maniatica mortale,
e fuet dai sa mente ogni reale
aspettu 'e s'Universu ca l'ignoro.
!stella 'e chenadorzu mancu tue
allugas de fiamma padronale,
eppuru ti nd'ischidas chena male
e isolves sentimentos in tottue.
Eo puru tia cherrer allugare
appenas nessi s'anima dubbiosa
e faghella finida cun s'umbrosa
eterna bramosia 'e preguntare.
E puite so innoghe! Ma s'amena
e bella gioventude a inue est andada,
e puite no azzetto chi s'intrada
arrivid'a s'escida ca terrena,
est fea custa vida cun su male
a boltas binchidore e odiosu :
e tue car'Istella 'e chenadorzu
azzetta cust'iffogu universale.
A s'omine ch'an dadu cussa sorte
e mai sos misterios a ischire
an dadu sa cundenna 'e pessighire
segretos de sa vida e de sa morte.