PISINZOS

Cantos pisinzos e murmutos
mi attit sa notte, iscutos
in sonnos mios trobojados
ue sun misciados pore e is pantu,
risu e prantu.
Erba lutza no apo manigadu,
nemancu apo luadu
su riu 'e sa vida mea
pro chi, a murros a chea,
mi tepat sene care
malas fatzi ennas,
impudare de furas e locuras
e si in carchi tretu
de su camminu cumbessu
chi apo attraessadu
apo trambucadu e seo ruttu
semper mi nne seo pesadu,
mancaris a mal'ispobolzu ,
mortu e penettu.
E tanno, Deus meu,
prite a ogos tancados,
boghes non connotas a isporu
tepo ascurtare, arreu,
in s'oru 'e s'iscurigore,
chentza mi poder cuare ne iscrùfere
e catzareche attesu
custu pesu ammutadore
a iscusia bisiadu?
Guvardu las ascurto in busca vana
de nne poder intzertare
mandatarios e sinnificadu .
Barigados pistighinzos
chi aia ismentigadu
mi torran in daesegus
e noos e pesosos issiminzos.
Gai sighit sa vida mea
inter dudas e isperas
dae canno appesit nea .
E chissai si mai tzertesas
anta imbàttere
innantis de s'interighinada