SAS ALAS SUN SICCAS

Cando in artu su sole fit pizzinnu
e pizzinnas fin tottu sas istellas,
sa luna incantadora
mi pintabat desizos
e chelos de cristallu.
Ah!, dego bi credia. S'universu
pro mene fit su pradu
ube frorian solu
lizos d'amore eternu.
E. bolabo, bolabo
in agheras de sònnios ,
cantande a boche isparta.
E chin sa luche 'e s'anima
sonabo sa chitarra 'e sas isperas
chi fini semper innidas
che-i sas durches cadenas de su coro .
E chin sa fide arcana 'e sas ideas
fravicabo nurac h es de cossolu
e casteddos de so le.
Co mo però, non poto;
non poto p rus bolare
ca sas al as sun si ccas
e siccas sun sas be n as de su coro.
Ma non m'isporo, no!, non mi lamento
pro mores ch'hapo fizos e nepodes
chi cu rren calabrinas de coraddu
ch in asprones de re,
e chi binchen balentes,
sos pannos ch'unu tempus mi fin caros.
Poveros nois!, custu
est s'eternu caminu
de s'eterna chimera
chi si ripitit semper
chin su matessi ispramu.
Teraccos d'unu tempus bardaneri,
affusaos, sichimus a pistare
in mulinadas pintas de benenu
sèghedes ispinosos de malissia ,
chin s'ispera ammeddosica
d'unu cras prus sinzéru e prus galanu.