SOGNOS E ISPERAS

Su sole est isparidu
in fundu 'e mare:
corno ...
bizan sas istellas
in s'aera
e piuer' 'e lugore
ruet subra sa terra
cun lentore.
S'abàcan sos affannos
e in su mudimine
immensu
naschen sognos
' estidos de isperas:
'ido su mundu
che una melagranada
raida 'e milli ranos
tott' 'e unu colore,
palpitantes che coros
de un'umanidade
chi s'istringhet appare;
'ido s'incantu
de tulas chena fine,
semenerios de amore,
e sorres cun frades
assedende
in alzolas de paghe;
'ido columbas in bolu
giutas da-e sos bentos
beraniles,
e criaduras a fiottos
gioga -gioga.
A s'avreschida noa
s'avvian sos astros
in arcanos caminos:
custoidas in s'anima
mi restan sas isperas ...
e sos sognos isvanin
in su chelu purpurinu.