SAS UMBRAS DE SU SERO

M' illuminat su sole risulanu
c and 'isparghet a prima manzanada
sos rajos d'oro. Sa terra ammagiada
paret da-e s' incantu 'e s'aurora ;
su sera, accaldanadu a limba fora
si che tuffat a modde in s' oceànu .
Comente esseret unu fanalinu
calchi nue fuida da-e su mare ,
andat in boza de l'ostaculare .
Tando li puntat su potente faru,
la solvet, e risplendet pius gtaru,
sa nue si l'ingullit su terrinu.
S'omine puru lughet su manzanu
ma est solu un'allutta un'istudada ;
chena nascher sa die est agabbada.
Tando falan sas umbras de su sera ...
E li fascan su coro: e cussidero:
it'est sa vida? Unu puzone in manu!
Eppuru danzi umanu abitadore
chi custu non lu sentit da-e fundu,
si cret isse su primu 'e su mundu
non esistit nè Deus e nè Santos;
l'interessan sas glorias e bantos,
sa vanidade , ch'est unu terrore .
E non solu in calchi occasione
ma lu dimustrat finas ch'hat alenu;
arragiolidu s'omine terrenu
a s'interessu dat anzi valore,
. e non ponet in calculu s'amare
imbreagu 'e tanta illusione .
Si paralizzat cando nues bascias
de improvisu iscuttinan sas alas;
e pioen sas pius uras malas
in sa carena sua addolorida,
che-i su sole tentat un'isfida
non lu favorin sas terrenas grascias.
Tando piumbat frittu che -i su nie
s'i scuru 'e sa notte pius manna...
Tancat sos ojos teteru che canna
mentres su sole torrat rie rie.