SA DOMU BECCIA

Totu dì , hapu ingiriau in sa menti ,
unu giogu de fueddus atrevius
totu notti una mirada m'hat sighiu
cun costanzia de dimoniu tentadori
mi fait scuncertu sa determinaziòni
de boliri possidiri cussa domu
chi est ancora sfusta , de lagrimas e de dolori
in su silenziu prus profundu de sa notti ,
s' intendiri ancora unu leb iu lamentu,
a perdas pesadas hat circau un'arrexoni
po biviri ancora, in custu mundu maccu.
Mellus morriri, chi navigai cussu mari!
Prodigu de perigulus, e de insidiosus scoglius
e cantus illusorius de perfidas sirenas
dispensadoras de durcis melodias
promitendi a is poburus mortalis
gosu paradisiacu po ammacchiai
po ddus fai apustis annegai.
Sa domu beccia, est sbuida de pensamentus nous
est prena de arregordus de aterus tempus
sa domixedda, est sbuida de fantasias e de bisus
c'est sceti pimpirinas de amoris fuius.
Sa domu beccia tenit milli ogus
totus obertus po intrai su soli.