OR'ORU DE ARRIU

Asutta de unu cel'e petroliu
in d'unu mengianus de velus,
46
che una Nostrassignora mort' 'e frius,
Parigi si nd'est pesada
in mesu de columbas biancas fuias
de is ogus grogus e tundus de is "Taxì".
In is cupolas color' e piricciolu,
in su marmuru inforrazzau de is monumentus,
in is prazzas atteterigadas e in i' giardinus
parrit ch'immoi dromant tot' is festas
in d'una solitudini de follas arrampicadas.
Andendi po intradas, luxis e contonadas,
sighendi su filu nieddu de s'arrìu
- unu zèrriu ghettau a dogna insegna -
mi portu a passillai chena de s'umbra mia,
attesu-attesu de is imbonidoris de "Tati".
Lòmpiu a su "Pont Mirabeau",
ananti de calincunu lillu arruttu,
unu "barboni" cun sa ghitarra
cun drucesa allupat sa vida sua
a pizzus de s'unda stanca de sa "Senna"
chi non arrenescit ancora a dromiri
is amoris passaus de Apollinaire.