SONNU MALU
( ... su chi suzzedit cun sa gherra atomica)

Apo idu in su sonnu
su mundu trasformadu,
giambadu dae su die a sa note.
Unu manzanu trtstu
chena lugh'e su sole
non creo a su ch 'ido a inghìriu .
Sas matas abatidas
tot'a linna sicada,
che campusantu 'e rughes imbezzadas;
sos flùmenes de preda
ei sos lagos de rena
chen'aba e pische mortu in su ludu .
In s'àera sa néula
pintirinad'a murru
e boghes de puzones sufoghende;
in terra sa piùere
niedda che carvone,
niedda finzas s'erba e-i sos fiores.
Ei s'operad'umanu
una ruina etotu,
paret unu munton'e ferru ezzu;
ebia babauzzos
e chelos de ranzolu
sos abitantes de domos distrutas.
Bido in luntanànzia
turres boghende fumu,
signale non de vida ma de morte;
mi mancat su respiro
e ando rue - rue
chirchende calchiunu chi rispondat.
Lu chirco in dogni logu
ma pro nudda l'agato,
orulo forte ma non b'at niunu;
deretu mi nd'ischido
cun custu tristu dùbiu:
ma s'òmine fit mortu o fit cuadu?
Apo idu in su sonnu
su mundu trasformadu,
gtambadu dae su die a sa note.