OINOS

Castiaus
a ogus de spantu
su mudai de su tempus
impressìu,
in s'abettu chi nei passit
su seculu presenti.
Sciorroccadas is murallas
abasciadas in banderas
Currint
scrabistaus
is quaddus de sa storia
bincendi pannus de trumentu
in d'ognia cabu 'e mundu.
Chi ddus hat a firmai?
Arrutus is idealis
accabbaus is bisus
Lampuluxit
attesu
su steddu de ghia
alluendi speras
e angendi timorias.
Forzis
cumpudendi
in su lomburu
de su passau
heus a agatai
su cabudu giustu
po is tempus benidoris
Nos ... abettaus.