VECCHJA D'ANNI E CAMINI

A un ghjummeddu
illa janna d' una jesgja
drent'a poari panni
ascultà
tinnita di minuti
lampati a la to' chelta.
Sighì
l'unda di li boci
ill'orazioni a un Deu
chi forsi no cunnosci.
E no sapè
palchì lato' miseria
è l'abbundanzia d'alti.
Vecchja
d'anni e camini
di 'ita vagabunda
forsi senza rasgjoni
che l'andà di li Manni
no sai
cussì 'ncrispit'e sola
d'azzuppà
cu la folza d'una mola
cattedrali
di ciltesa e di prisumu:
tarrulu felm'infadosu
illi nostri cuscenzi
sbiancati
dananz'a Tabernaculi
culmi di Pani
pa' ca no à Fami.