SU BALLU 'E S'ARZA

U mbra s de chisi n' ingroghia,
si sizin a pare
in trubulos rodeos
imbelande 'e pantamas
su mare chene tempus.
Cantigos de si rena
si pesan, tentadores,
istramandes' in milli
ist i ddios de du r curas de eternu .
In su nuraghe 'e marfilu
iscurto beffulanu
contos de dimonios e deos.
Ma tando! ...
It'est cust'arcana caentura
chi in pettus m' alluet
isconnottos sentidos?
Ischintiddas d'irvaliu
mi 'urrian sa mente
e mi triulan passiones antigas .
Fogu maleittu!
Puitte m'ischidas
repente
framigheddas morturas
chi mi sigan sos fruttos crompios?
It'est custu 'isione?
Ite 'isione est sa vida?
Su ballu 'e s'arza,
maimones de pighe,
brinchian a inghiru
de s'anima mia chene cara.
Sa lughe!. ..
Torraemi sa lughe!
Abbiae su sole nieddu
e torraemi sa lughe! ...