UNU MUNDU TOTTU NOU

Dia cherrer andar e in letargu
che unu tostuìne ...
Accucconàu
in brazzos de su progressu.
E ischidaremi
in nd'un'era innedda innedda ...
Cando
s'isterminàu "labirintu nieddu "
goi invadiu
de "errebìos benenosos "
chi brusian
s'anima 'e su creadu
hat a esser rimpiazzau
da unu motòriu olante
e de diversos obbìdios ...
Alimentau
da-e sa currente solare;
ch ' est netta
de tìmias cusseguenzias
de poder nocher a sa natura.
Un'era 'e rispiru!
Sicuramente
e tottucanta ricca 'e sanidade.
Podet parrer
tottu un'illusione?
Ma fintas cando s'omine
s'hat basàu sa luna
lu pariat!