MAMA 'E DOLORE

Cun su coro
buttiend'e dolore
che-i sa Marna 'e su Gesus
postu in rughe, innozente,
hat fattu sas chircas
de su fizu, Farouk,
chi a tunciu, iffrituridu,
est a belidas de anzone
da-i cando un'omine,
carazzadu de astore
famidu 'e inari,
surdu a su toccheddu
'e cussu coro ispasumadu,
che l'hat trabantadu
in-d-unu nidu 'e ispinas
in mesu a majas e roccarzos.
A su raspu disisperadu
'e cussa marna 'e dolore
han rispostu ateras mamas
disisperadas ...
ma su gridu s'est isperdidu
in s'aera de unu buscu
chena rembombu.
E a sa 'emida lamentosa
de Farouk, anima innozente,
han rispostu ateras bemidas
lamentosas ...
ma cussu piantu a succuttu
si l'hat surzidu su terrinu
surdu pedrale .
Ma s'isammentu
'e fizos de nuraghes
messadores de ispigas de oro
ingranidas de cantigos de paghe
hat a pupuinare
sas raighinas arestes
de su muru 'e su mudine
chi s'hat a solovrare
in firchinidas de lughe
fremmentarzu de isperas.