SEMIDAS DE SAHARA

Muinat bentu cherbinu
susu giagas de giosso.
Muinat
frores morentes
de losas istrumadas
remitanos cuiles
pedra marmurada 'e nuraghe.
Muinat 'e pranghet susu giagas de giosso.
Pranghet
calighe 'e muru
in muros desolados
de animas andantanas
... a leas de chisina ' uttios de prata.
Surpiore de renas fines
nos ammantada ...
. . . semidas de Sahara.
Tremulantes mariposas
a campu fioridu ammuinadas
sas maurreddinas.
Offerin
alidos a istranzu
pizzinnas creffas.
Ispeddan annosos suerzos
chervos in amore.
... undas sena agabbu mare.