BOIDOS DE TEMPUS

Animas lughidas de sa notte ...
Majìas de tepias isperas,
ue curren undas
de unu mare chena pasu .
Cadenas de oriolos
in tremenes de abberros
pesan su sentidu.
Tuncios de piantu cuades,
istrazzende tramulas siccadas
a s'arvure 'e su coro.
Boidos de tempus ...
Oe faghen torrare
istasidos sentidos,
perdidos in custu mare
de biaittos colores,
bramende chelos unfiados,
minettende lampos azzesos.
Boidos de tempus ...
Murmuttende s'avreschida
anghelos de paghe
morin in bolu ...
Mirende s'oriente.