S'ELEFANTE DE CASTEDDU SARDU

Eris,
a sos tempòrios
de sa morte
mala.
nachi
t'an bidu
lassanne
issecus
sagama
bortad'in crastos,
e achirrare
a canacosta
sas virdes
trempas
de s'Anglona.
Eoje,
canno as intesu
sos carignos
meos
in sos istampos
de sos mermos tuos,
mi miraias
in dudas,
movenne
sa coa mutza.
Guasi
salutanne
sas dies
ch'an a sichire,
canno sos trémenes
bùitos
de sas calancas
meas
s'an aberrer
a s'amorosa
mirata
de sos matzores tuos .