CHELU 'E NAUFRAGIU

Custu mare surdu
chi totu tzircundat,
cust'emida tunda de sinu
in eterna agonia
ue andan sas naes,
fuin e s'intumban,
no' hat ammentos.
Cando airadu s'awentat
pesende sos bratzos
arcados a chelu
e poi dulche isalenat
basende s'ispunda,
no' hat ammentos
e astringhet
e allenat in terra
s'ara 'e sa vida.
In sa barca 'e su corpus.
cun ojos de brama,
s'anima nadat
in chelu 'e naufragiu.
E nadat sa 'idda
in su mare 'e su chelu
chi totu tzircundat.
lscazas de ammentu
pigan a fiore
in s'ispuma 'e su tempus:
relittos de s'anima
ch'in s'amnesia 'e su corpus
s'inundat e s'istat
da-e naufragiu in naufragiu.