BIDDA 'E FANTASIA

Cantas bortas cuntentu so partldu
dezisu 'e mi ch'istare in logu attesu;
poi, comente su tempus est passadu,
so torradu cuntentu pro restare.
Accomi corno in su logu nadiu,
unu montiju cuguddadu 'e domos
sempre pius boidas e pius iffalciadas.
Ma sa 'idda mia no est sa chi reflittit
sos rajos de su sole e de sa luna.
In una pittiracca incarrarzada
b'est babbu meu cun sa cavana in manu
e l'ando fattu cuende una pena
chi tantu poi m'hat fattu cumpagnia.
In una tremma ue b'est corno una piatta
ancora m'ido pizzinnu gioghende
e penso a su chi corno so e m'abbizo
chi sa mezus edade est s'innozente.
Appo lassadu biculos de coro
in tantas partes de mundu, ma in custa
bidda mia 'e fantasia b'est su pius mannu.
Anden attesu sos fizos chirchende
prosperidade e fortuna, lugosos
sien sos caminos chi han a attraessare.
Oramai sas raighinas mias sun russas
e no s'istoddit un'arvure annosa
pfo la piantare in ateru terrinu.