MANI TARRULATI

Arburi brusgiati
da mani e ciarbéddi tarrulati
da quarchi tempu
sub'a me' tarra.
Arburi taddàti
senza cogghja, senza fòddi,
tronchi ccommu lattarédda
sbattulata da u maistrali ...
E so' ghjòmi cardi, di siccagna!
E a nòtti ci tròa
un po piu biòti, piu pòari, piu dispirati .
C'hani sfurrucunatu puri u còri!
E dumani a ghiòrnu
nun ghi sarà piu u merulu a friscià
subra l'ajacciu, undi puri nò
ci pusàimi all'arridòssu:
ci facia cumpagnia
quidd'ajacciu brusgiatul
E avali chi nun gh'è piu
ci sintimu piu soli, azzantarati.
Un antru pezzu di nò, ogghjdumàni,
alisumbrettu si n'é andatu