LASTIMAS DE AZUDU

Sunt e semus
de unu matessi rampu
chi sa richesa at partidu.
Sa parentella si perdet
in s'iscuricore de s' istoria
in lampos de focu
in puzones de ferru.
Una bomba intellizente
criat dae costas
framiadas de morte
brusiande biddas e tzitades
semenat a furriu
prantos e disisperu.
Mamas istellas
atitant fizos
interrados
in ruinas de muros .
Ministros de un'anticu ritu
ispojolant criaduras
anzones berriles
110
in s'artare de benessere anzenu.
Pesant dae terra
nues de fumu
e fachet note
inantis chi siat ora.
Unu ribu nigheddu
falat a brusiare
sas pasturas de mare.
Ocros istranzos
mirant dae atesu
patimentu e morte
e lis imbiant petzi
lastimas de azudu.