L'ASTHRI CRIADDURI

Animi buràttighi di criadduri
in giru
a gammasini affrisciaddi.
Occi ippantaddi d'ombri di néura
caraddi da un asthru zeru,
abbaiddani
guasdhiani bè pasciddi
d'incugni troppu abbundanti
disthinaddi a cazziggà.
Animi ancora famiddi di criadduri
dizendi un rusariu longu:
"Maradetti e maradetti
e maradetti in etemu".
E li so' mammi rimasthi sori
lu pìgliani a prighiera noba .
Animi accansiddi di criadduri
pusaddi in fira
innantu a li banchini
di posthi ischumminiggaddi
abbaiddani facchini panzimanni
siminendi lu mari
di triggu troppu barattu.
"Cresci,
cresci triggu chi no z'hani daddu;
cresci sippuru da mari
e cuvaccari li ziddai luzenti
cu un zeru senz'aria".
E li so' babbi chi no hani cujpi
li dizini chi no è frasthemma.
Animi lizeri di criadduri,
criadduri di zentu fabeddi
ma di una sora fami.
Azzani a li nui bianchi
a frabbiggà
balli pisanti di gràndina
d'ischudi sobbra l'incugni grassi
d'òmmini indiffarenti .
E lu Deu di li p6bari in canna
l'appogli asthri nui,
e ancora asthri nui.