COMENTE IN SAS FOLAS

Tia cherrer chi Fada benigna
cun toccu lezeri de ratu ftoridu
canzellet sos dolos
chi oppriment su coro
e ... comente in sas folas
m'ammustret su regnu fadadu
ue ... ftores de oro
azzendent s'aera de lughe ...
ue ... iscalas de seda
m'aggiuant a pigare
a sa chima 'e su monte
chi toccat su chelu e si cuat
addae de sas nues ...
Tia cherrer . .. tia . cherrer ...
ite?! ... una bertula manna
piena de alas de onzi mesura ...
pro las impreare, a piaghere,
cando s'anima si cheret pesare,
serena, a bolare attesu attesu,
in atteros mundos ...
a toccare cun manu
ite los faghet lugher gai ...
a nde lis furare, a manos pienas,
unu fasciu de rajos de lughe
pro illuminare e pro iscaldire
su coro attristadu, meu
e su 'e totu sos frades,
pro chi no' happan'a suffrire mai ...
Tia cherrer ... tia cherrer
unu ratu ftoridu de Fada, e,
che Fada Benigna
lu tia manizzare . ..
comente in sas folas ...