UNA SPINA IN FRONTI

In moris isciustus de odiu
ammostai appenas dus ogus de pantàsima
a intru de una facci imbracchinada 'e luna
chi parit gioghendi cun sa notti
a tessi in "pixidus trallaxis"
sciallus cun frangias de disisperu.
In pitturras, su coru s'arrefudat
'e arrepiccai de morti
si puru ispantau de biri in tittas
su scunfortu de is cimingionis ofrànus
chi no allattant prus ...
Ma de attittidus. prus non s'indi sonnitl
Sa genti dda castiat pispisendi
affaciada in ventanas de timoria,
e de allènu fragat su portali in domu sua
timendi a istrubbai zicchirriendi
is notas lastimosas de una làntia cittia
abbruxendi de abillu
is santus de centu maggineddas
ch'isprigant 'e consòlu
unu ritrattu de prendas de arregordus.
Su soli dda castiat
carignendididdi su passu
grai po is mramurinas gruxis
chi ddi toccat a tragai in coddus,
e is pillonis a fura dda cantant 'e luxi ...
Ma po issa, est sceti una maladitta notti!
"Cussa baddinosa manu, siat truncàda"I...
(narat intr'e issa arrabiosa)
acciargendi cun vengosa menti
ognia spada chi fergiat su distinu.
Ma una crisura de orrosas
cussu sentidu bugginu d'hat serrau;
cali moneda 'e perdònu
ddi podit su calvariu su pagai?
Una spina di amori e de dolori
in sa fronti s'est cravada;
"beni Arrita avventurada"!...
Su tempus ddi cantai "goccius" de isperas
limusinendi paxi in d'ognia 'ia.