CHIN SA MATESSI MONEDA..

Pacos predauleris d'eris sera
- cando ghirande fipo a domo mea -
a preda m'han iscuttu mancu essera
unu cane runzosu . ..
Su proite l'han fattu
mi lu so dimandande,
pro cussu ocros a chelu
dimando chin rezelu a Gesus nostru
su coment'e proite'e tantu male!
"A currer m'est toccau a sa 'etzesa
ca s'apprettu fit meda
e medas sun sas fertas
in tota sa carena ... "
De Gesus est muda sa risposta,
ma muda no est sa zente
ca l'est benniu a mente
cando dego a minore
fipo che su terrore
semper a preda in punzu
prontu a secare bridos
e de sa 'idda chentu lampadinas ...
"Peri a carchi 'etzu malandau
a preda l'hapo iscuttu,
e cando cosa nabat
no mi essiat muttu ... "
Como nche so arribbau a sa 'etzesa
e cumprendo de sa bida sa sustanzia,
pesso a sos predauleris
chi chenza nudda ischire m'han pacau
chin sa ma tessi moneda ...
Duncas chene l'ischire m'han puniu
pro sas cosas chi issos oje fachene
comente tando dego ...
Dego soe pacande e m'istat bene,
ca est zustu su pacare in custa bida ,
chin s'isperanzia chi serbat d'esempiu
a sos giovanos d'oje
destinaos che a mimme a imbetzare ...