LAMBRIGAS DE LIBERTADE

Che ranos, a tenea,
mi fuen sos pensamentos
in sas renas de s'ammentu.
Che traste postu a oru
e ismentigadu
mi falat
su piùgher'e su dolu.
Sa pedra troddulana,
chenapasu,
s'arremat corno
e, muda, ponet lana.
Sas làmbrigas
chi sulcan custa cara
in càvanos mi piccan
su chi pato,
in coro mi buttian
su chi fia.
Apedraistavaccada
fuo da-e me, peri mundu,
e mai mi cuizo
su chi so.
Amala gana,
sena poder su 'e deris,
sen'ischire su 'e cras,
buffo
in su càlighe rànchidu
de-i custu tempus sena paghe.
Pèrdidu
in sas renas de s'ammentu,
cuadu
in piùgheres de dolu,
presu
a milli pedras e lana,
dia cherrer esser lìmpiu
che làmbrigas de coro
e currer che criadura
a narrer beru a su ch'est beru ,
sighinde sa tratta 'e cantos
han seberadu
sos caminos àrridos de sa libertade.