ATTITOS A SU SUO CARU BERfEDDU

Mortu amore Berteddu
su luchidore isteddu,
mortu Berteddu, amore
s'isteddu luchidore.
Su 'izu meu , su 'izu meu.
Bertinu caru 'izu
de zardinu su lizu,
'izu meu Bertinu,
su lizu de zardinu.
Su 'izu meu, su 'izu meu .
Bertu, frore galanu
lavru sanu d'onore,
Bertu galanu frore
lavru sanu d'onore.
Su 'izu meu, su ' izu meu.
Bertinu pretziosu
de su sinu lattosu,
pretziosu Bertinu ,
lattosu 'e su sinu.
Su 'izu meu, su 'izu meu.
Bertu, bellu pitzinnu
de pinzellu carinnu,
Bertu, pitzinnu bellu
carinnu 'e su pinzellu.
Su 'izu meu, su 'izu meu.
Bertu meu umbrilosu
ses recreu e ses gosu,
Bertu, umbrilosu meu
ses gosu ses recreu.
Su 'izu meu, su 'izu meu.
Bertu, cravellu meu
su prus bellu 'e s'ereu,
Bertu, meu cravellu
de s'ereu prus bellu.
Su 'izu meu, su 'izu meu.
Bertu, gruche e Rettore,
in chuches picadore,
Bertu Retore e gruche
picadore est incue.
Su 'izu meu, su 'izu meu.
Bertu , su prantu 'e domo
c'at campusantu corno,
Bertu , su 'e domo prantu
corno a su campusantu.
Su 'izu meu, su 'izu meu.
Bertu, firmu est s'azudu
in s'urtimu saludu,
Bertu, s'azudu est fmnu
in su saludu urtimu.
Su 'izu meu, su 'izu meu.