SOS CANTADORES

Su palcu inserradu a laru
a funiu ghirionadu
de lughes e de colores,
un'alipedde in bolu,
pro sa festa 'e Porto lu
amus sos cantadores.
In sa prazza sa Pruna
tres lantias faghen luna
e una luna est in chelu
estida in grogu pannu ,
cun ricamos de oro.
Santu Portolu Mannu,
pro bos festare occannu,
mannos de Logudoro
sun bennidos dae tesu :
est unu banaresu,
s'atteru 'e Iddanoa,
e su ch'an postu in mesu
est de terra onolvesa.
Faghide bona resa,
ponide s'esordiu in bia,
sa gara 'e poesia
an isettadu un'annu;
accostadu an s'iscannu,
sun prontos sos de terra.
B'at laru da onzi perra
b'at lughes e colores,
ma si cherides fama,
si bramades onores,
fichidos in su palcu
devides fagher gherra .
B' at laru da onzi perra
ma prima unu saludu,
cun su bonett'arziadu,
a su gentile pubrtcu,
s'illustre comitadu;
in palas, mesu cuadu
sezzidu est su tenore
cun boghe armoniosa,
s'intendet a indedda,
faghet semper "bim-bai".
"Coll ega non andes gai!"
"lassa s'appedda-appedda!"
"Ti passo s'anidore!"
"Ti la premo sa bua!"
Ma lassade sas begas,
allentade sa fua,
su comitadu, a cua,
dispostu at s'argumentu
dan su tema, partide
onzun'in sa 'ia sua.
Como frn'a sas duas
faghidennos divertire,
lassadennos un'ammentu,
un'alideddu 'e ventu
movet sas lampadinas;
ponidebos in assentu,
pesade pro sa duina,
duos ziros de battortna
frn'a sa tarantella.
Ma in custa notte bella
b'at frnas zente sonnida,
e mancan galu tres modas
a concluire sa faina;
in custa notte 'e ispantu
gloria a s'Apostolu Santu
e Martire Dizzosu.
A un'atter'annu adiosu,
bona notte e ...reposu!