TOSSA DE MAR
Chimbe traos de oro
rumizan'in s'"Arena"
cantos de "banderillas"
affacca a Tossa de mar.
Chimbe traos de oro ...
Sutta s'ala 'e su sole
nuilasdebanderillas
cravan ascias de fogu
subra su trau a chinta .
Sambene istercu e muilos
sutta sa pica crua
sambene istercu e muilos
sutta su sole zurpu.
In s' "Arena" ... s' Ispagna!.
Bolu de corvos a truma ...
Bardufulat sa "muleta"
su passu 'e sa "veronica"
subra su trau a trazu.
In s' "Arena" ... mutria!
Bolat rosa de morte.
Bolu de corvos a truma ...
Sutta s'ala 'e su sole
"a sas chimbe tardias"
s'ispada reselada
s'iscazat in s'iscorza.
In s' "Arena" ... s'offerta de s'uriga
est avvesu a sa scena!
Ahi chervas andalusinas banzigu de Federicu!.
Chimbe traos de 'idru
s'alluman che chereos
"a sas chimbe tardias".
Lughet in antias Tossa de mar.