MAMAI

Asseliadì, non timas . Calat
cun airis carrigas de bentu
custu meri de ierru stramudìu. Calat
cun sciorroccadas dì aqua, cun sentoris
dì erba ferta de straccìa .
Calat cun umbras trulas
sperradas tot'in dd'una de Iampus,
prenas de retumbus de tronu .
Ma immoi, tui, asseliadì.
Totu sa vida has arrepuntau
cun sogas de passienzia
su pannu lentu de su tempus.
Totu sa vida has passau
sedazzendu sonnus: is prus Iebius,
is prus nodìus si nd'ampulànt in artu,
in artu si sperdiant
in su bentu . Lassa scurriri
immoi sa fruminad'i arregordus,
arrefinandi is boxis sceti,
is sonus, is pispisus
chi t'indurciant su coru.
Scaresci s'aspori di ogna dì passada
a pudai sa cresura 'e is pensamentus
candu, fridu, ti zivinàt a pizzus
un'attongiu chizzanu.
Asseliadì, immoi. Ascurta
is boxis allirgas de is nebodis,
gosadì ogna stiddiu di amori
de su beranu chi has ingenerau.
Non timas: is umbras
de custu murrtadroxu 'e ierru
non hant a porri intrulai
cussu spantu de luxi.