SA BOCHE 'E SU DOLORE

Su chelu est a murrunzu . Sas ideas
chi juchen pintos alinos de bida
cominzan a bolare
in cada capu 'e mundu, bentulande
panderas d'amistade chin s'ispera
chi si potan secare sas cadenas
chi nos arregran s'amma sentìa.
Tòttu su mundu corno
cheret sa pache bera, sa chi juchet
s'alinu durche e bellu,
chi bolat semper artu chene laccana,
chin sas alas galanas de su coro.
In medas z.assos morin de sa gana,
in medas locos nadran
in agheras de sònnios,
frundinde chene importu
ricchesas a su bentu,
tra "lambadas" d'affròddiu
e gilrpinos azzinnos d'accunnortu.
Su poeta
chircat de faveddare
ma non l'intendet nemmos.
Però si cantat solu
cantoneddas d'amore,
tando li fachen bellu unu risittu
de beffe e de cuffortu.
Sa boche 'e su dolore
s'annaghet a s'attìttu
de cada santa die
tra cussorjas iffustas
de lacrimas d'anneu
e predas inghisìas
de sàmbene e de milli cuntierras.
Dego,
chi poeta non soe e ne gherreri,
nobellu Don Chisctotte cherjo tènnere
chin d'unu cropu 'e sèghede
s'irm u stru belenosu
chi curret chene frenu
in sas percas fungudas de s'istrussia.