DEU, HOI, BECCIU

Seu stetiu biséri
in su camminu de s'esistenzia
turmentada de su disigiu
de is cosas necessartas po sa vida.
Seu stetiu su strumentu
de su tempus tendiu, in sa lotta
po su progressu, a sa conquista
de su pagu benistai chi possideus.
Seu stetiu andadori
in is bias impruinadas o ludosas
de sa storia nosta; e hapu buffau,
in is miz.zas fiiscas di abettu,
s'aqua limpia chi torrat sidi a s'anima
e sanat is liagas de su co:rpus canzau
di acciottadas e arrutroxas,
candu is bisus no si sunt avveraus.
Hoi seu una cerda prena di arregordus
e di esperienzias bellas e leggias
aundi is giovunus hiant a podi' piscai,
po bili di aundi sighiri, po consighiri
is resultaus chi spettant po derettu
a is ominis de su tempus nostu,
lierus meris de sa preneta insoru,
no prus scraus de s'omini.
Seu sprigu de su passau e de su benideru
deu, hoi, becciu.