CHERIO REPOSARE

So' istraccu:
cherio reposare
in d'una notte de luna piena,
in zassos senza lacanas,
tra ciulos e bolos
de puzones cantende innamoraos:
poi 'e sos traghinos
mi 'acan sos murmuttos cumpanzia,
pro mi ch'ingalenare
supra de capitales fioridos
e rtcamados a filos de neula.
E gai dormi dormi,
de su ventu cherio
cumprender sos faeddos,
pro mi dare recreos
e sinzeros palpitos d'amore,
a tales chi su coro,
che' relichia 'e oro,
in sas intragnas suas
inserret, senza pasu,
zaffiros e lambrtas de paghe.
Tando dia dormire e sonniare,
cun ojos alluttos che fiamas,
prontos a ingullire
su lucore de totus sas istellas.
So' istraccu:
pro semper cherto reposare,
ninnau da-e sos Anghelos, in Chelu!