BENIU 'E LlBERfADE

Manos e caras,
forestas de manos e caras
in su 'entu!
Dolore de id entidades cancelladas
e paginas biancas
pro un'istoria de narrer totu a nou .
Oe cambio numene e camino.
Hapo in su coro
un'anninnia africana,
de rios astragados mesu isoltos
e ojadas de zente de anzi razza...
No, non mi castiedas intro
cun ojos de Istadu
pro ider si mi naschen' in s'anima
bideas contrarias a sas suas :
oe, nessi oe,
cherzo pensare comente respiro.
Hapo in sos chizos
umbras longas de palmas, custu sero,
e feridas de buscos e forestas,
forestas senza fine
e rios largos chi paren unu mare.
In s'abba curren undas:
liberas faeddan e lebias
che frinas de abrile.
Deo las isculto, cagliadu ...
Aèras abbertas,
non cherzo plus muros
addainnantis de s'anima:
oe, nessi oe,
cherzo pensare comente respiro;
e gai custa zente.
Manos e caras,
forestas de manos e caras
in su 'entu!