FEMINAS

Feminas chi mi stimais, benedittas Sla.ls .
Tessidoras di arrezas di amori, feminas in dolori,
scendiendi, feminas generendi umanidadi.
Feminas de piedadi, addoloridas. Feminas donendi vidas
po nascimentus, feminas in penzamentus abettendi cittidas,
feminas suffrendi scidas in cabizalis de lettu.
Feminas de rispettu, dignitosas, feminas bellas, sposas
a ogus de velludu. Feminas di agiudu in is momentus grais,
feminas chi andais circhendi feri-feri, feminas de paneri
tostau, de mossiai. Feminas di abrazzai, de strumpai
cun sentidus, feminas di abarrai scidus a notti intera gosendi,
feminas chi prangendi mi stringeis, comenti mi 'oleis ...
Feminas chi basais, chi mi donais amori e fantasias,
feminas ingelosias, ferenosas, feminas martgosas che latt e lua,
feminas de sol' 'e stua , callentis, coscias biancas,
sterridas, bintas, stancas, assuermadas.
Feminas chi debadas arregallais sa vida,
feminas a cara pulida, limpia che mizza. frtsca,
feminas terra de isca, di arai e seminai, feminas de stimai
candu donais sa titta a unu pipìu. Candu a su zugu miu
s'inci acconcais, benedittas siais, benedittas .
Feminas bellas de tittas, moddis, longas, tostadas,
feminas chi no seis torradas e chi no appu scaresciu,
feminas chi eis minesciu totu su de donai donendi totu,
feminas chi eis connotu e connosceis, feminas chi mi percurreis
in dogna pimpiridu, feminas a coru frtdu, scitorau,
feminas chi a costau mi fadeis triniri, feminas chen' 'e bistiri,
sbregungìas, feminas arrebugìas, traitoras, feminas impostoras,
trapasseras, feminas banduleras, scaminadas, feminas
disisperadas ...
Feminas de cunfortai, feminas di amai, de donai carinnius,
feminas fadendi sinnius, ingionungadas, feminas invocadas
a unu santu. Feminas de ispantu in totu s'umanidadi,
feminas po s'etemidadi, po bisus e poesias.
Feminas chi fadeis bivi', feminas
feminas mias. '
Si stimu, siais amantis, marna, o sorri,
candu seis po sa vida, o po 'ndi morri'.