LIMBAS

Limbas
aundadas attogadas muzzadas
contra d' anzi resone 'e ziviltade.
Limbas
inzendradas da-e su coro 'e sa zente
e ispramminadas in s'oscuru 'e sos fundale s.
Limbas
chi curren in su sambene 'e su tempus
pro esser rebottadas da-e Istados de Podere.
Limbas
de populos chi si cheret canzellare.
Limbas
de su connotu e de Franziscu Mannu.
Limbas de Logudoro e Campidanu.
Limbas
de Pobo Gallego e dels Pa'isos Catalans.
Limbas
intregadas a poetas chen'azza
e a imberriados ammuntadores
abbistos solu a afferire sonnios.
Limbas
de suore e traballu
de 'oghes murmuttadas in su disterru
in s'ammentu 'e unu cantu a tenores.
Limbas
de fele e amore
de 'ias e abbutturadas identidades
sestadas in sas predas de Sardigna.
Limbas
tragadas che crastos de corazu
a su .sole c'hat avreschere
pro ruppere tempos n6s.