SA LIMBA

Da-e su nadìu
un'alenu 'e paghe happo invocadu
mi hat rispostu ...
cun su frore 'e sos murdejos.

Da-e lumera amiga chi pro prima mi solingat in sos seros
'isiones happo invocadu
mi hat rispostu ...
cus sas mudesas de sas aeras.

Da-e Maimone deus cor'attarzu de sos Mannos
abba happo invocadu
mi hat rispostu . ..
cun s'impellida 'e sos bentos.

Da-e sos ingalanados mazzores
zustissia happo invocadu pro cudda terra mia
no m'han rispostu ...
ignoran issos cussa Limba mia . ..
ignoran issos sa Limba 'e sos anghelos.