TIEN-AN-MEN

Piccioccus fidaus truncaus de su Dominigu
in su fogu goliardicu de una mai morta speranzia,
alimentaus de floris e floris chene cambu,
alimentaus in is ogus de s'urtimu basidu de sa terra,
mortus in s'illacanamentu de un'arrisiu stramancàu.

Coment"e un'arrìu de steddus e paris a un'unda
s'appiccheddat su sanguni di 'osatrus de celu in su sbuidu
in circa de is coloris de s'amori po is coloris de sa vida
ancora non bivia in sa nea pipia.

Accabedda de morri! Accabedda!
E bosatrus mortus, torrendi! Torrendi innias
aundi hat a morri custu bentu de ballas e cingulus.

E tui, mamma terra
chi nei pesas a traballu custu Maju in s'atra perra de mundu
arendi a s'apprapidu su scurìu tùu in su coru miu:
comenti bolis chi innoi si scaresciat?

E tui puru Morti:
matta de tot'is ogus nostrus in pena,
hasi scurigau su celu puru a s'anima mia.
Tancada sa porta e is ventanas de s'arrenegu,
prus coidados de su fogu calicuna cosa m'abbruxat su tempu
su tempus chi abbarrat a su poberu fiori miu.

Unu scurìu furiosu nd'hat furau su soli a medas fillus:
tengu sidi de cussa luxi e de mei e totu po cumprendi.
Curzu, troppu curzu est totu cantu su chi bivit?
I est aici estremada sa morti chi si fait ghettai a pari.

Approntai unu fueddu chi bandit pustis su scaresci,
s'arrefudu de su prantu chi non prangit sa vida:
aici coment"e su prexu obertu sconnotu a s'aria libera.
Mi caminant aintru e deu puru no m'intendu prus bìu;
camminu e ascurtu cun issus ma su coru insoru est studau:
a Tien-An-Men, arrosa est sa luxi, prantu totu s'arrestu.